НОВОСТИ

Вардар Доломит со стипендија за ФЕИТ

Македонската компанија Вардар Доломит стипендира студент на Факултетот за електротехника и информациски технологии при Универзитетот „Св. Кирил и Методиј“ во Скопје. Од оваа година, студентот Петрит Љатифи ќе добива паричен надомест и практично знаење во просториите на компанијата Вардар Доломит. 

За деканот на ФЕИТ, професор д-р Димитар Ташковски, ова е еден од начините за соработка помеѓу високообразовните институции и стопанството. 

„На овој начин, се воспоставува вистинска соработка со приватниот сектор и се дава реална поддршка на студентите. Во наредните две години, студентот ќе има практична настава во компанијата. Исто така, раководството на компанијата, заедно со нашите професори преку изборат на предметите, ќе влијае на профилирањето на студентот. Тие ќе го насочат студентот согласно своите потреби за да се создаде кадар кој по завршување на студиите директно ќе се вклучи во работата на компанијата“, вели Ташковски. 

Компанијата Вардар Доломит, досега, соработува со сите врвни институции од областа на науката и има потпишано меморандум за соработка со Универзитетот „Св. Кирил и Методиј“ во Скопје, со Универзитетот на Југоисточна Европа во Тетово, со Државниот Универзитет во Тетово и со Универзитетот „Гоце Делчев“ од Штип. 

„ Вардар Доломит и досега стипендирал студенти и планираме оваа пракса да продолжи и во иднина. Генерално, стипендираме студенти од дефицитарни насоки за нашата компанија или планираме дека ќе бидат потребни согласно нашите планови за развој и унапредување на работењето. Студентот со кој потпишавме договор за стипендирање, Петрит Љатифи е од насоката ЕАОИ (Електроенергетика, автоматизација и обновливи извори на енергија), а планираме да доделиме и уште една стипендија на еден студент од насоката КСИАР (Компјутерско системско инженерство, автоматика и роботика)“, објаснува директорот на Вардар Доломит, дипломираниот инженер Ремзи Абдулаи. 

Според него, идејата на Вардар Доломит е стипендираните студенти преку пракса, семинарски, дипломски или магистерски трудови да го пренесат знаењето што го стекнале на факултет во компанијата, а од друга страна самите студенти да се стекнат со искуство од реална примена на нивните знаење во пракса. 

„Оние приматели на стипендија кои ќе покажат интерес и кои ќе демонстрираат квалитет ќе можат да засноваат работен однос во нашата компанија“, додава Абдуали.

Кончар од Загреб и ФЕИТ потпишаа договор за соработка и донација

Во рамки на 10-тото советување на МАКО СИГРЕ, КОНЧАР – Инженеринг за енергетика и транспорт (КЕТ) од Загреб и Факултетот за електротехника и информациски технологии (ФЕИТ) од Скопје потпишаа договор за соработка и донација на SCADA систем PROZA NET за „Центарот за трансфер на технологии и иновации“ (ИННОФЕИТ).  Договорот го потпишаа претседателот на Управата на КЕТ, Мишо Јурковиќ и Деканот на ФЕИТ, проф. д-р Димитар Ташковски. Соработката, покрај другото, опфаќа реализација на научно-истражувачки и развојни проекти, користење меѓусебни стручни знаења на стручните лица, опрема и лаборатории.

КЕТ, во оваа прилика, го врачи SCADA системот PROZA NET кој ќе се користи во новиот центар на ФЕИТ. Имено, со цел да зајакне соработката меѓу универзитетите и индустријата, ФЕИТ го покрена ИННОФЕИТ, со цел своите студенти подобро да ги подготви за работа во индустријата. ИННОФЕИТ ќе биде средиште за интеракција помеѓу професорите и студентите на ФЕИТ со партнерите од индустријата, кои ќе ја потикнуваат врската и преносот на технологиите, како и новите иновативни идеи, со што ќе помогнат во економскиот раст на индустријата и општеството во целина.

PROZA NET SCADA системот претставува повеќекориснички дистрибуиран програмски систем за надзор и управување со објектите и постројките во енергетските системи. Модуларната архитектура е во согласност со потребите за висок квалитет и висок степен на интеграција на системите. Основни предности се високата доверливост, флексибилност и скалабилност. Може да се користи за различни нивоа на надзор и управување од компјутер во рамки на постројките, до големите централизирани системи во реално време. Со системот е можно да се управува со постројки на подрачјето на електроенергетиката, со индустријата на гас и нафта, транспорт и водостопанство. PROZA NET SCADA системот е развиен во потполност како резултат на знаењето и искуството на КЕТ. Модуларноста и отвореноста на системот овозможува многу повеќе од класичните SCADA системи и со право може да го карактеризираме како интеграциска платформа која е основа на современите системи за далечински надзор и управување во подрачјето на енергетиката.

„Овој проект е потврда на веќе традиционалната соработка на КОНЧАР со високообразовните институции. Се надеваме дека резултатите на заедничкото делување на овој план ќе доведат до унапредување на соработката на научните институции и субјектите од стопанството, но и поврзување со стручниот кадар во Македонија каде КОНЧАР е традиционално присутен“, изјави Мишо Јурковиќ, претседател на Управата на КЕТ.

„Науката и иновациите се клучни за развој на економијата. ФЕИТ, како еден од лидерите на подрачјето на научната дејност во Македонија, сноси голема одговорност во тој дел. Затоа, Факултетот со помош на Универзитетот и партнерските фирми инвестира во ИННОФЕИТ, центар од кој научно-истражувачките резултати ќе треба да се пренесат на националното стопанство. КОНЧАР е втората реномирана меѓународна фирма која ја потпомага оваа идеја. Ја користам оваа прилика да се заблагодарам на КОНЧАР за оваа донација и очекувам интензивирање на соработката во идннина“, истакна проф. д-р Димитар Ташковски, Декан на ФЕИТ.      

Екстра брзо електрично полнење на автомобилот

Само 30 минути се потребни да се наполни новиот Ford Focus Electric од 0 до 80%. Ова возило со 5 врати може да патува до 225 километри со едно полнење. Ова возило е само едно од 13-те нови глобални електрични возила кои Ford ќе ги лансира во наредните 5 години, вклучувајќи:

-Целосно нов електричен СУВ со предвиден досег од најмалку 480 км (на пазарот до 2020 година)

- Нов хибрид Transit Custom комбе со приклучување, чија комерцијална продажба се планира во 2019-та година (моментално се тестира во мултимилионски проект дизајниран за подобрување на квалитетот во воздухот во Лондон)

- Хибридна верзија на иконскиот Ford Mustang

„Возачите може да го наполнат новиот Focus Electric за исто толку време колку што е потребно за пауза за кафе и торта. Со новиот капацитет за брзо надополнување и подобрена батерија, новиот Focus Electric е нулта емисија на фамилијарен автомобил со голем распон на возење и лесна практична употреба во реалниот свет“, вели Џо Бакај, потпретседател и развивач на продукти за Ford во Европа.

Новиот Ford Focus Electric со 5 врати има електричен мотор со моќност од 107 киловати и батерија со 33,5 киловати на час – речиси 50% поголем капацитет од досегашниот модел. И батеријата и моторот функционираат на течно загревање и ладење, овозможувајќи Ford Focus Electric да троши помалку енергија и да ја продолжи трајноста на батеријата.  

Новиот полнач за брзо полнење го употребува индустрискиот стандард на Combined Charging System (CCS) на возачите да им овозможи да го приклучат нивниот Focus Electric во брзо директно полнење на паркинг или каква било стоп станица во цела Европа, овозможувајќи полнење до 80% за време од 30 минути.

Употребувајќи го истиот полнач на 32 ампери во домашни услови, потрошувачите можат да го наполнат Focus Electric толку што ќе извози 225 км за време од 5 часа или околку 150 км за 3-4 часа возење. Истражувањата покажуваат дека 80% од возачите патуваат помалку од 100 км дневно, а просечната дистанца на дневни патувања со автомобил изнесува 46 км.

Компанијата има меморандум за разбирање со неколку произведувачи на автомобили за креирање мрежа за електрично полнење со највисока моќност во Европа – со таргет на 400 ултра брзи електронски полначи низ целиот регион.

Покрај поголемиот распон на возење и брзото полнење, новиот Focus Electric го доставува најновиот систем за конектирање - SYNC 3, кој овозможува возачите да ги контролираат аудиото, навигацијата и полнењето на смартфоните, употребувајќи едноставни разговорни гласовни команди компатибилни со Apple CarPlay и Andoid Auto.

Возачите на Focus Electric кои имаат паметни часовници, едноставно, може да погледнат на часовникот и да го проверат статусот на автомобилот, употребувајќи ја MyFord mobile startwatch апликацијата. Апликацијата овозможува сопствениците да го најдат патот до својот автомобил, да го заклучат и отклучат од дистанца, да го проверат распонот на возење и да добијат клучни информации за нивното најбрзо патување.

Заедно со новиот Focus Electric, Ford на европскиот пазар, исто така, го нуди моделот на Mondeo Hybrid. Компанијата го фокусира својот EV план на нејзините силни страни – „електризирајќи“ ги најпопуларните комерцијални возила со висок волумен - камиони, СУВ возила и возила со перформанси - за да ги направи поспособни, попродуктивни и интересни за возење, плус и да штедат гориво.

Промовиран најпродаваниот и најсигурен автомобил - Volvo XC60

Најпродаваниот SUV модел Volvo XC60, денес, беше промовиран пред македонската публика и пред љубителите на автомобили.

„Сé што правиме во Волво започнува со луѓето. Безбедноста, сигурноста и грижата за околината се цврсто во ДНК-то на овој бренд. Го претставуваме моделот XC60 кој е израз на она за што се залага и претставува Volvo – „Иднината на безбедноста“. Овој модел е од особена важност, бидејќи се покажа како најпосакуван автомобил. Создаден е со идејата да ги заштити сите патници во него, но и сите во непосредна близина“, рече Дритон Заири, генерален директор на Ми-Да Гранд Моторс Скопје.

Втората генерација на VOLVO XC60 е опремена со најнапредниот пакет на сигурносни функции кои овозможуваат возачот да има доминантен поглед на патот во преубаво опремена и мирна кабина.

„Кога на технологиите кои ги содржи ќе го додадеме безвременскиот дизајн, станува јасно дека новото XC60 е синоним за сигурно, инспиративно и исклучително безбедно возило“, додаде Заири.

Според Златко Павловски, продукт менаџер на брендот Volvo, новиот модел е подолг, поширок, понизок и со поголемо меѓуоскино растојание од неговиот претходник.

„XC60 ке биде достапен со три нивоа на опрема: богатиот Momentum, луксузниот Inscription и спортскиот R-Design. Предниот изглед на возилото е со препознатливите фул лед светла во знакот на ТОР и поголема предна решетка со алуминиумска рамка. Алуминиумските фелни се нудат во размер од 18 до 22” во повеќе уникатни дизајни. Прекрасните задни стоп светла даваат автентичен изглед на возилото во ноќта и исто така, се фул лед. Багажникот се отвора на електрика, односно може да се отвори со еднократно поминување со ногата под задниот браник или преку далечинскиот клуч.  Врвен интиуитивен аудио систем Bowers & Willkins и возна динамика која е едноставно најдобра во оваа класа“, објасни Павловски.

Според него, кога ќе влезете во возилото, имате чувство на поголема пространост и комодитет, што е резултат на специјално дизајнираните потенки удобни електрични седишта.

„Со цел градското возење да се направи полесно, покрај предните и задните паркинг сензори, возилото има и 4 камери, една позади, една напред и две од страните кои создаваат слика од птичја перспектива и го олеснуваат паркирањето на тесен простор. Доколку излегувате од паркинг простор и не забележите дека наидува возило, системот за Cross Traffic Alert ќе Ве предупреди. XC60 е поставен на новата СПА платформа, во опција се стандарно подвозје, спортско и воздушна суспензија со активни амортизери кои се приспособуваат на начинот на возење кој ќе го одберете - еко, комфорт, динамик и офроуд“, заврши Павловски.

Volvo XC60 ќе биде придвижуван со различни мотори: два дизел, два бензиски и еден Хибрид Плуг Ин. Дизелите се со ознаки D4 и D5, двата се 2,000 кубни центиметри. D4 е 190кс а D5 е 235 кс. Бензинците се со ознаки Т5 и Т6, исто така 2,000 кубни центиметри, Т5 е со 254кс а Т6 со 320кс. И Хибридниот Плуг Ин е комбинација од бензинскиот Т6 мотор и електромотор од 87 кс, вкупно на располагање имате 407 коњски сили. Со едно полнење на батеријата од 3 часа, автономно на струја, може да поминете околу 40 км. Со овој мотор може да одберете тивко возење, само на струја низ град или да излезете надвор од градот и да ја искористите максималната моќ. Со промовирање на новиот модел, има и промотивна цена од 52,990 евра за D4 моторот со високо ниво на опрема.

Интересен факт е тоа што промоцијата на Volvo XC 60, за прв пат во Македонија, се пренесуваше во живо (life streaming) преку социјалната мрежа Facebook. Повелете линк:

https://www.facebook.com/volvocarsmk/videos/1103917786409497/

ОТВОРЕН НОВИОТ КОМПЛЕКС АЛКА

Скопје, вчера, доби уште едно ново место за уживање надвор од градскaтa срединa.Со свеченост, коктел и огномет, во присуство на многу познати личности  и амбасадори во Македонија блесна новиот комплекс АЛКА. Комплексот АЛКА се наоѓа на само 12км од центарот на Скопје, под падините на Водно, во мирното и чисто Сопиште. Се простира на 2.700 метри квадратни и нуди многу содржини базен со морска вода, детски базен со игротека, вип бар, ресторан, коктел бар и бар на базен. АЛКА е инвестиција на Бобан Ангеловски, угостител и бизнисмен, повратник од Холандија, кој зад себе ги има успешните приказни на ресторанот Гурмет и ланецот ресторани за пица Доминос.

место каде можат да уживаат во убав амбиент со своето семејство, со и без деца, со своите деловни партнери и пријатели и притоа, да се чувствуваат навистина комотно „Идејата беше да направиме концепт во кој ќе се пронајдат многу луѓе кои сакаат во секоја прилика. Воедно, сакавме да понудиме и квалитетна опција на викенд место надвор од градот“ – вели Бобан Ангеловски, сопственик на АЛКА Комплекс.

Посетата на очниот доктор може да го спаси животот

Македонија го одбележа Светскиот ден на видот со спроведување бесплатни лекарски прегледи во Специјалната очна болница „Деница“. На овој начин, велат докторите, се подигнува свеста кај пациентите да се грижат за сопствениот вид и кај општеството да го подобри односот кон приватните болници кои овозможуваат поквалитетни услови за лекување.

„За жал, состојбата со очните болести во Македонија е критична. Проблемот со дијабетесот и моменталните кризи со инсулин, директно, влијаат на очните болести. Глаукомот, исто така, треба да се открива при секојдневни рутински прегледи. Очекуваме да се посвети поголемо внимание на операциите на задниот сегмент на окото и да се почитуваат стандардите согласно Протоколот за операции на катаракта“, рече д-р Наум Трпеноски од „Деница“.

Трпеноски потенцираше дека „Деница“ настојува да реши што е можно поголем број од проблемите со видот кај пациентите во Македонија.

„Очната болница Деница ги исполнува сите услови за простор, кадар и опрема. Во болницата работат 4 лекари, 8 медицински сестри, анестезиолог, фармацевт и административен персонал. Имаме простор кој ги исполнува сите специфични потреби - системи за чист воздух и агрегати за струја. Болницата Деница ги потполнува сите празнини кои постојат во здравството, воведуваме нови стандарди при операција на катаракта, а ќе работиме и со најчуствителните пациенти – децата“, објасни Трпеноски.

Тој побара државата да го воведе ваучер системот за пациентите каде граѓаните ќе може да ги користат услугите на приватното и државното здравство.

Акцијата за одбележување на Светскиот ден на видот помина успешно и од болницата „Деница“ посакуваат и очекуваат да прерасне во традиција.

„Повеќе од 50 пациенти ја искористија денешната можност за бесплатен офталмолошки преглед во болницата каде што констатиравме очни болести кај пациентите како што се катарактата, глаукомот и корекција на рефракциските аномалии“, рече д-р Марина Коваческа Трпеноска.

Според податоците на Светската здравствена организација, 80% од сите оштетувања на видот може да се превенираат и да бидат излечени, а стратегиите за превенција на оштетувања на видот и превенцијата на слепилото се меѓу најевтините инвестиции во здравствената заштита. Светскиот ден на видот се одбележува секоја година вториот четврток од октомври и е посветен токму на нашето најдрагоцено сетило. Целта на одбележувањето на овој ден е подигнување на јавната свест за слепилото и оштетувањата на видот како главен меѓународен јавен здравствен проблем, влијание врз државните политики со цел поголема соработка и учество во доделувањето средства за национални програми за превенција на видот, како и едукација на граѓаните за можностите за превенција на слепилото.

Шест години Чептер 4 Македонија: “Посветени на растот на клиентите”

Агенцијата за односи со јавност Чептер 4 Македонија, денес, слави шест години постоење во Република Македонија. Компанијата „расте“ заедно со своите клиенти. Овој раст, спред извршниот директор м-р Тодор Стојчевски, се базира на квалитет во услугите кои се нудат и на пазарните услови во кои работи оваа Агенција.

„Како Агенција, посветени сме на нашите клиенти да ги постигнат своите цели на работење и да создаваме врски помеѓу клиентите и нивните целни групи. Важно е тие да се задоволни, но уште поважно е таргет јавностите да ги добијат релевантните информации со кои менаџираме. За среќа, сме успешни во тоа што го работиме и секоја година, бележиме природен раст на бизнисот. Освен клиентите, секако како тим и како компанија, сериозно внимание посветуваме и на професијата. Максимално ги почитуваме стандардите што ги диктира професијата, се обидуваме европските стандарди што ги учиме од нашите колеги од европските земји, да ги прилагодиме на потребите на нашите клиенти“, вели Стојчевски.

Во овие шест години, Агенцијата работела со многу клиенти од Македонија, но и од светот. Иaко е Агенција за односи со јавност, сепак нуди и услуги од областа на маркетингот и адвертајзингот.

„На последниот менаџмент состанок, кој го одржавме во Сараево, Босна и Херцеговина, одлучивме да работиме како комуникациска агенција. Тоа го опфаќа и сегментот на односи со јавноста, но и сите други начини на менаџирање на информациите и нивен пласман до дефинираните јавности. Исто така, интернет и социјалните медиуми, дефинитивно, го преземаат приматот на класичните медиуми. Тоа го диктира пазарот, каде се потешко опстануваат одамна познатите печатени медиуми (Македонија е докажан пример за ваквата констатација), односно сé повеќе се отвораат интернет медиуми. Но, дефинитивно, во вакви пазарни услови, функционираат и работат и многу електронските медиуми – телевизии и радија“, објаснува м-р Стојчевски.

Понеделник, 13. Февруари 2017
Ристовски е дипломиран електроинженер, со специјализација во управување со водни ресурси и услуги во водоводните претпријатија, меѓународен експерт за неприходна вода во водоводните системи и...
Петок, 10. Февруари 2017
Несоницата, несомнено, е една од болестите на модерното време. Современиот човек е под континуиран притисок на високи очекувања, а благодарение на брзиот технолошки развој, секојдневно е бомбардиран...
Четврток, 9. Февруари 2017
Ски центарот Маврово ќе донира околу 14.000 евра на Републичкиот центар за поддршка на лицата со интелектуална попреченост – ПОРАКА. Парите се собрани од 54 корпоративни екипи кои учествуваа на 15-...
Четврток, 2. Февруари 2017
Автономната навигација на дрон за креирање тридимензионални мапи е новиот предизвик на спин-оф компанијата Вижн дајнамикс (Vison Dynamix), која од вчера почна да работи на Факултетот за...
Петок, 9. Декември 2016
Претставници на Националната агенција за европски образовни програми и мобилност и универзитетски професори, вчера, пред наставниот кадар од Република Македонија го презентираа ЕКВЕТ системот (...
Четврток, 24. Ноември 2016
Студентите активни во пронаоѓање практични решенија за енергетската ефикасност и одржливиот развој Студентите на Факултетот за електротехника и информациски технологии при Универзитетот „Св. Кирил и...
Понеделник, 21. Ноември 2016
Околу 400 дечиња од приватни и државни едукативни детски установи беа дел од кампањата „Хранете се здраво за детство среќно и убаво“, поддржана од ПРОБаланс, која во изминативе два месеци ја...
Понеделник, 21. Ноември 2016
Студенти и професионалци дизајнери од светот, во наредните неколку дена, ќе творат во рамки на 9-тиот Скопје Постер Фестивал, во организација на Здружението на графички дизајнери „ПлакАрт“...
Понеделник, 7. Ноември 2016
Деветто издание на Скопје постер фестивал ќе се организира од 21-ви до 30-ти ноевмри 2016 година во Музеј на Град Скопје.Во првите три дена од Фестивалот ќе се организираат и тематски работилници...
Среда, 2. Ноември 2016
Малку автомобили можат да се пофалат со толку долга и успешна традиција како Форд Fiesta. Кога во 1976 година, прв пат, е лансирана Fiesta како нов модел на Форд, никој не претпоставил каков глобален...
Среда, 19. Октомври 2016
Четиринаесет студенти од прва година на електроенергетските насоки на Факултетот за електротехника и информациски технологии (ФЕИТ) кои ја завршиле годината со просек над 8 денеска добија стипендии...
Medco prescription drug liste http://apotekudenrecept.com/ problemer med universel sundhedspleje